Според Гигс Фергусон уште 5 години ке биде во Јунајтед

Рајан Гигс верува дека Сер Алекс Фергусон уште долго време ќе биде на кормилото на Манчестер Јунајтед.

Шкотот веќе 25 години е менаџер на Манчестер Јунајтед и стратегот постојано вели дека ќе биде на менаџерската функција се додека го служи здравјето.

Гигс, кој 20 години соработува со Фергусон на Олд Трафорд, верува дека стратегот може и во следните пет години да биде предвоник на ’Црвените Ѓаволи’.

“Навистина не можам да видам како Фергусон во блиска иднина ја завршува својата кариера.” – рече Гигс. “Тој ќе продолжи, најмалку за уште пет години.”

“Неговата желба станува се посилна. По натпревар од Лигата на Шампионите се случува да си дојдеме дома во 3 часот наутро а само неколку часа подоцна Ферги ќе биде прв во тренинг центарот.”

“На почетокот од сезоната во клубот владееше вирус. Вирусот го фати и Ферги кој беше навистина болен, но кога игравме натпревар тој дојде и беше на клупата. Тој едноставно го сака предизвикот.”

Ван Дер Сар е човек за пример и почитување

Сер Алекс Фергусон има само пофални зборови за Едвин ван дер Сар откако денеска голманот на Јунајтед потврди дека ќе се пензионира по крајот на сезоната.

Холандскиот голман, Едвин ван дер Сар денеска објави дека ќе се пензионира по завршувањето на оваа сезона.

Фергусон има само пофални зборови за голманот на Јунајтед, вели дека тој е пример кој секој млад голман треба да го следи.

"Тој е пример за секој кој сака да стане голман" - вели Сер Алекс Фергусон.

"Едвин низ животот плови без никакви промени, тој никогаш не се променил, има константна природа. Тој е спокоен".

"Смирен е, среќен е со она што го постигнал во животот, не бара нешто повеќе, тој е толку добар човек".

Фергусон веќе му понуди тренерска позиција на Ван дер Сар, но голманот најави дека во наредните две години сака комплетно да се одмори и да се посвети на семејството.

Сепак, Ферги смета дека кога и да се врати, Ван дер Сар ќе биде значаен човек во фудбалот.

"Тој ќе земе пауза и го разбирам тоа, но ќе биде значаен кога и да му се врати на фудбалот".

Јунајтед тргнува по нов голман

Манчестер Јунајтед ќе тргне во потрага по нов голман откако Едвин ван дер Сар објави дека ќе се пензионира по крајот од сезоната.

Ветеранот, Едвин ван дер Сар синоќа го потврди она што сите го очекуваа, голманот објави дека ќе стави крај на играчката кариера по завршувањето на оваа сезона.

Тимот од Олд Трафорд во своите редови ги има Томаш Кушчак и Андрес Линдегард кои се надеваат дека ќе го добијат дресот со број 1.

Но се чините дека раководството на клубот не смета така, па Манчестер Јунајтед ќе тргне по нов, докажан голман.

Тренерот на голманите, Ерик Стил потрвди дека Црвените Ѓаволи имаат на пик тројца голмани, еден од нив се очекува да пристигне на Олд Трафорд во летниот преоден рок.

"Можеме да го замениме Ван дер Сар со некого од клубот, но се насичивме кон најдобрите опции, имаме една, две или три цели за кои мислиме дека можат да бидат достојна замена" - изјави Ерик Стил.

Дел од голманите со кои се поврзуваше Манчестер Јунајтед се, Мануел Ноер, Мартен Стекелембург како и големата надеж на шпанскиот фудбал, Давид де Геа.

Џиџи Буфон најави дека до крајот на кариерата ќе го носи дресот на Јувентус, а некои медиуми од Англија шпекулираат и за шокантен премин на Пепе Реина од Ливерпул во Јунајтед, но тоа е нешто што е далеку од реалноста.

Ван Дер Сар се пензионира по крај на сезоната

Едвин ван дер Сар потврди дека ќе се повлече од фудбалот по крајот на сезоната за да помине повеќе време со семејството.

Подолго време се сугерираше дека голманот на Манчестер Јунајтед летоска ќе се пензионира и Холанѓанецот сега ја потврди намерата да се повлече од фудбалот.

На почетокот од оваа сезона Сер Алекс Фергусон призна дека очекува оваа сезона да биде последна за 40 годишниот Ван дер Сар.

Фергусон исто така изрази желба да го задржи Ван дер Сар како дел од својот тренерски персонал но голманот вели дека ќе земе комплетна пауза од фудбалот по крајот на сезоната.

“Сега е време да посветам внимание на моето семејство.” – рече Ван дер Сар.

“Не можам со точност да кажам кога беше донесена ваквата одлука. Ајде да кажеме дека вакви мисли ми се вртеа низ глава откако Анемари имаше здравствени проблеми.”

“Таа успеа да се опорави. Одлучивме да останеме уште една година во Англија и престој во Манчестер Јунајтед.”

“Но, откако започна сезоната, мислите за кажување збогум започнаа да бидат почести.”

“Не ме прашувајте како и зошто, но одеднаш знаете. Тоа беше доволно.”

“Дојде времето да посветам големо внимание на моето семејство.”

За можноста да биде дел од тренерскиот персонал на ’Црвените Ѓаволи’ Ван дер Сар рече: “Ќе се обидам да имам 18 месеци или две години за самиот себе – а имам и семејство со кое можам да правам убави работи.”

Запрашан дали годините играле улога во одлуката за пензионирање, поранешниот холандски интернационалец рече: “Не, моите години не играа улога. Имам 40 години, но сеуште се чувствувам фит.”