Реал Мадрид и Јунајтед во лута битка за Герет Бејл

Манчестер Јунајтед и Реал Мадрид ќе влезат во лута битка за потписот на една од големите ѕвезди на Тотенхем Герет Бејл.

Менаџерот на „црвените ѓаволи" Сер Алекс Фергусон е голем обожавател на Велшанецот и со задоволство би го довел на „Олд Трафорд" во зимскиот трансфер период.

Англискиот гигант дури се обидува да започне прелиминарни преговори со раководството на Тотенхем за младиот фудбалер, но Тотенхем не се подготвени да се разделат со една од своите ѕвезди.

На „Вајт Харт Лејн" сметаат дека Бејл е среќен во клубот и немаат намера да го продаваат.

Малку е веројатно Јунајтед да извади многу голема сума за Бејл, но ако тимот се обиде со 30 милиони фунти, тогаш можеби Хари Реднап ќе го промени своето мислење, дали да го продаде Велшанецот на „црвените ѓаволи".

Жозе Мурињо, сепак, исто така, има многу сериозни амбиции за Герет, а Реал Мадрид е подготвен да понуди голема сума за секој фудбалер.

Самиот Хари Реднап призна во својата колумна во „Сан" дека е свесен за интересот на Специјалниот за велшкиот репрезентативец, но истакна дека нема намера да го продава.

Ферги го пронашол заменикот на легендата Гери Невил во резервите на Милан

Англискиот вицешампион Манчестер Јунајтед може да се надева со италијанскиот гигант Милан за потписот на дефанзивецот на Ривер Плата Монтевидео Бруно Монтелонго.

Во моментов 23-годишниот Уругваец игра под наем на „Сан Сиро", но засега Алегри не му дава шанса за докажување во првиот тим.

По крајот на сезоната „росонерите" можат да ја искористат можноста перманентно да го купат дефанзивецот, но сеуште не е јасно дали тоа ќе се случи.

Според последните информации, Јунајтед има многу сериозен интерес за Уругваецот, па дури и Сер Алекс Фергусон веќе испратил скаути да ги следат настапите на фудбалерот.

Шкотланѓанецот смета дека Монтелонго би бил совршен заменик на Гери Невил, кој ќе стави крај на кариерата по крајот на сезоната.

Цената на младиот дефанзивец е околу 10 милиони евра.

Негов трансфер во Јунајтед е во голема мера зависен од Милан и од тоа дали „росонерите" ќе се согласат да го купат перманентно.

Сеуште не е јасно дали тоа ќе се случи, бидејќи до овој момент Бруно игра само за младинскиот тим на „росонерите".

Јунајтед сепак го најде наследникот на ВДС

Англискиот гигант Манчестер Јунајтед го засили својот интерес кон данскиот национален голман Андерс Линдегаард кој брани за норвешкиот Аалесунс.

Тренерот на голманите на „Црвените ѓаволи" Ерик Стил дури патувал за Норвешка за да ги гледа настапите на 26-годишниот голман за време на дуелот меѓу Аалесунд и Стабек, каде тимот на Линдегаард бил поразен со 2:1, но сепак Линдегаард повторно доби многу пофалби за настапот.

Покрај Данецот Јунајтед ги следи настапите и на шпанскиот голман на Атлетико Мадрид Давид Де Геа, кој од почетокот на сезоната се претставува навистина феноменално.

Инаку самиот Линдегаард е посакуван и од тимовите на Ливерпул, Милан и Арсенал, но сепак Јунајтед има предност пред сите овие клубови, бидејќи желбата на Данецот е да игра на „Олд Трафорд".

Во моментов менаџерот на Јунајтед Сер Алекс Фергусон напорно бара класа за Едвин Ван Дер Сар кој ќе се откаже по крајот на сезоната и има голема веројатност токму Линдегаард да застане на голот на тимот.

Данецот во својата кариера настапувал во тимовите на OБ, Колдинг и Аалесунд.

Тој успева да блесне за норвешкиот клуб во последната година, во која игра навистина многу добро.

Инаку за интересот на Јунајтед од Линдегаард се зборуваше уште во текот на летото, но тогаш не дојде до трансфер.

Сепак не е исклучено во текот на зимата скандинавецот да игра на „Олд Трафорд".