Играчот за врска на Манчестер Јунајтед, Мајкл Карик призна дека е малку уплашен од претстојниот натпревар со тимот на Тотенхем во рамките на Премиер лигата. Според него, спарси изградиле фантастичен тим, каков што немале веќе долго време и дека можат да му создадат доста потешкотии на црвените ѓаволи за време на натпреварот на Вајт Харт Лејн.
„Тотенхем игра во Лигата на Шампионите и се претставува повеќе од добро. Успеа да балансира и со добрите игри во Премиер лигата, нешто што не е лесно, особено кога не си навикнат со ваква програма“.
„Очекувам да ни создадат многу проблеми. Секогаш е тешко кога гостуваме таму. Убаво е што Тотенхем е дел од лидерите на Премиер лигата, тоа ја освежи конкуренцијата. За нас сепак е важно да победуваме, за да земеме три нови поени“.
„Хари Реднап изгради фантастичен тим. Можеби најдобриот во последните години. Сега сепак очекувањата кон тимот се големи и не знам дали ќе го издржат притисокот. Со сигурност имаат многу причини да се претставуваат добро, но најважното е да ја зачуваат добрата форма“, смета поранешниот фудбалер на спарси.
