Има ли надеж за Овен Харгривс?

Вчера доцна синоќа заврши преодниот рок за фудбалери во европските лиги. Имаше доста интересни трансфери во последен момент, како на пример преминот на Ван Дер Варт во Тотенхем, со што тимот од Вајт Харт Лејн станува уште посериозен ривал. Од друга страна пак, Манчестер Јунајтед остана со оние засилувања кои веќе се познати за оваа сезона, а тоа се Крис Смалинг, Хавиер Хернандез и Бебе. Во последен момент Том Клеверли е испратен на позајмица во Виган кој сезонава го чека тешка борба за опстанок во Премиер Лигата. Она што е друго поинтересно е дека до Ф.А. требаше да се поднесе и конечен список на 25 фудбалери за настап во првенството за оваа сезона. Меѓу 25-те фудбалери се најде и Овен Харгривс. Иако тој сеуште е на третман во САД и не се знае сигурно кога ќе се врати во Англија сепак Фергусон сеуште има надеж за ова момче и за секој случај го вклучи во тимот за оваа сезона. Вечерва за тимот на резервите против Олдам (победа 2-1) настапија и Фердинанд и Андерсон што кажува дека тие двајца полека се враќаат во колосек и за скоро време ќе бидат спремни за првиот тим.

Еве го списокот на играчи на кои Фергусон ќе смета оваа сезона:
Homegrown: Gibson, Giggs, Brown, Evans, Rio, Scholes, Neville, O'Shea, Carrick, Owen & Rooney.
Other: Amos, Fletcher, Kuszczak, Van der Sar, Hargreaves, Nani, Anderson, Park, Evra, Valencia, Berbatov, Hernandez & Vidic.
Plus under: 21s Fabio, Rafael, De Laet, Obertan, Bebe, Smalling & Macheda