Јунајтед претежок за Стоук

Манчестер Јунајтед одлично ја продолжи Новата 2011 година. Славеше против Cтоук со 2-1 на "Олд Трафорд".

Со оваа победа Манчестер Јунајтед и понатаму е на врвот од табелата. Головите ги постигнаа Нани и Чичарито.

Јунајтед одлично почна. Немаше многу прекини во првиот дел освен, одличниот гол на Чичарито под асистенција на Нани во 27 минута.

На полувреме Манчестер Јунајтед замина со гол предност против екипата на Стоук Сити, со голoт на Чичарито.

Во 50 минута Јунајтед киксна и Стоук го употребија киксот за да изедначат. Тунчај асистираше за Вајтхед.

Но 12 минути траеше радоста на Стоук. Нани се ревансираше. Во 62 минута, Чичарито додаде пас кон Нани, каде тој прецизно го совлада Бегович.

Стоук направи три замени кои немаа големо значење за променување на резултатот. И Манчестер направи замени.


Керик влезе на местото од Гибсон,а Овен го заменуваше Чичарито. На крајот Манчестер Јунајтед го победи тимот на Стоук и остана на врвот од Премиер Лигата. 

Кака шокантно ке биде позајмен во Јунајтед?

Бразилската мегазвезда на Реал Мадрид - Рикардо Кака, е на пат да го засили англискиот гигант Манчестер Јунајтед.

Како што е познато, Бразилецот се лекува долго време од повреда и се врати во тренинг кампот пред 2 недели, а неговото име постојано се поврзува со шампионот на Италија, Европа и на светот - Интер.

Според информациите Кака би преминал на „Олд Трафорд" на позајмица до крајот на сезоната, како неговиот договор ќе има опција за купување. Цената која ја бараат од „кралскиот клуб" за Кака е околу 50 милиони фунти.

Од „белите " веќе потврдија дека се подготвени да се разделат со поранешниот ас на Милан, а во исто време изразија желба во своите редови да доведат некој од Димитар Бербатов или Вејн Руни.

Фергусон ги нападна агентите заради нивната алчност

За 24 години колку што е на клупата на Манчестер Јунајтед, Алекс Фергусон се наслушал и нагледал се и сешто, но се чини дека на шкотскиот менаџер најмногу му сметаат агентите, па во разговор со новинарите на „Гардијан“ издвои неколку интерсни приказни од преговарачката маса.

Фергусон не така одамна се најде во неприлика со Вејн Руни за кој вели дека премногу го слушал својот агент, па затоа трансфер агентите се последните ликови кои Фергусон сака да ги гледа во своите канцеларии.

„Еден агент бараше клубот да купи еден цел станбен блок, само неговиот играч да се согласи да дојде, сега не би издвојувал имиња, тоа и не е толку важно колку податокот до каде се спремни тие луѓе да одат. Еве земете го пример Руни. Мислам дека слушаше погрешни луѓе, а кога виде каков впечаток остави на луѓето покрај него, тогаш свати дека прави голема грешка“, вели Фергусон.

Менаџерот на Манчестер мисли и дека агентите имаат големо влијание и на платите на фудбалерите, и дека многу од нив неправедно ги заработуваат парите.

„Ужасно ми е кога ќе ми се јават менаџерите и ќе ми речат дека имаат за мене тој и тој играч кој вреди милион фунти, а тој пак не знае ни патиките да ги врзи. Жалостен е моментот кога менаџерите прават чуда само да му продадат на некој клуб играч за скапи пари, а никој не знае зошто е тоа така. Затоа кај мене во тимот се знае и кој што прави и колку е платен за тоа“изјавува Сер Алекс и додава дека е многу добро што тој повеќе нема теска соработка со менаџерите.

„Јас за среќа немам директен контакт со нив, во клубот е тоа работа на нашиот извршен директор Дејвид Џил.Верувајте ми тоа е многу тешка работа. Агентите имаат фантазија која ги поминува сите граници“, отценува Фергусон.