Фергусон се обидува да го игнорира критичарите

Сер Алекс Фергусон верува дека Манчестер Јунајтед е лесна цел за критики и им порачува на своите фудбалери да се сконцентрираат само на играта и да ги игнорираат оние кои се сомневаат во овој тим.

Манчестер Јунајтед синоќа го победи Стоук на Олд Трафорд со 2-1. Црвените Ѓаволи не се поразени по 20 одиграни натпревари во Премиер лигата оваа сезона.

И покрај тоа што се на чело на табелата и немаат пораз, многумина веруваат дека овој Манчестер Јунајтед е послаб од тимовите на Фергусон во минатото.

Фергусон ги игнорира ваквите коментари и сака фудбалерите да се сконцентрираат само на играта.

"Ние сме лесна цел за вакви работи" - изјави Ферги по синоќешниот натпревар.

"Но потребно е само да го игнорираме тоа и да се фокусираме на нашите амбиции а тоа е да ја освоиме лигата".

На дуелот против Стоук, Фергусон ги одмори Фердинанд и Руни кои се здобија со ситни повреди на зглобот во натпреварот против ВБА.

Хавиер Ернандез ја искористи шансата и уште еднаш покажа дека може да биде голем фудбалер за иднината на Јунајтед, со добрите настапи Мексиканецот му создава главоболки на Ферги при изборот на напаѓачката двојка.

"Се разбира тоа ми прави проблем кога Вејн е фит и подготвен за настап".

"Но тоа се вид на проблеми какви што сакате да имате. Низ годините, напаѓачите што сум ги имал секогаш ми создавале вакви проблеми".

"Тоа е работата на Чичарито. И колку долго успева да ги тресе противничките мрежи, толку ми создава ваков тип на проблеми".

Фергусон има пофалби и за Крис Смалинг кој го имаше првиот старт во Премиер лигата за Јунајтед.

"Крис Смалинг беше одличен. За 20 годишен фудбалер одигра многу добро".

"Задоволен сум со неговиот напредок. Тој сигурно е иднина на овој клуб".

Јунајтед ке се подмладува по крајот на сезоната

Минимум шестмина играчи на Манчестер Јунајтед најверојатно ќе го напуштат Олд Трафорд по крајот на сезоната, независно од тоа дали црвените ѓаволи ќе ја освојат титулата или не.

Според информациите до кој дојде англискиот таблоид Мирор, листата на фудбалери кои ќе го напуштат Олд Трафорд се: Едвид ван дер Сар, Томаш Кушчак, Вес Браун, Гери Невил, Овен Харгривс и Мајкл Овен.

Како што е извесно, ветераните Ван дер Сар и Гери Невил потпишуваат едногодишни договори на крајот од секоја сезона, со оглед на нивната возраст. 40-годишниот голман продолжува да брани на високо ниво, но индикациите се дека по секоја веројатност тој ќе стави крај на кариерата по крајот на оваа сезона.

Гери Невил пак е далеку од добрата форма и исто така најверојатно нема да го продолжи договорот. Истото може да се каже и за формата на Вес Браун, кој се поретко се наоѓа на списокот на Сер Алекс Фергусон.

Томас Кушчак, за кого многумина мислат дека нема доволно квалитети да го носи дресот на ѓаволите пред извесно време објави дека сака сериозен разговор со менаџерот во однос на својата иднина. Проблемот на Харгривс се постојаните повреди, можно е тој да стави предвреме крај и на својата кариера.

Мајк Овен исто така често го мачат повреди, а големата конкуренција во редот за напад на Олд Трафорд ќе го принуди да си ја побара среќата во друг тим од Премиер Лигата.

Останатите двајца ветерани на Ферги - Пол Сколс и Рајан Гигс се очекува да останат уште една сезона во тимот.