Напаѓачот на Манчестер Јунајтед Мајкл Овен може да го напушти тимот во текот на зимскиот преоден рок кој е сеуште во тек. Фудбалерот е тешка резерва во составот на Сер Алекс Фергусон и е четврти избор во нападот после Бербатов, Руни и Хавиер Хернандес. Имено токму поради тоа носителот на Златната Топка од 2001. година има веројатност да го напушти Олд Трафорд.
Интерес кон Овен пројавува тимот на Сандерленд, црните мачки веќе започнале да се допрашуваат до црвените ѓаволи за можноста да го привлечат напаѓачот во текот на зимската пауза.
Тие се спремни да му понудат место во почетниот состав и плата во висина од 25.000 фунти неделно со цел да се пресели на Стадионот на Светлината.
