Мaнчестер Јунајтед ќе биде посилен во наредната сезона и ќе си ја врати титулата од Премиер Лигата, вети менаџерот на црвените ѓаволи, сер Алекс Фергусон.
Денес неговиот тим ја испушти можноста да ја освои четвртата последователна титула покрај тоа што со 4-0 го победи Стоук Сити. Шампион стана Челзи по декласирањето на Виган од 8-0.
„Нормално дека ќе бидеме посилни во следната сезона. Ќе се обидмее да ја вратиме титулата, во текот на летото ќе го подобриме тимот и ќе влеземе во нова борба“, изјави Фергусон.
„Челзи заслужи да стане шампион оваа година. Го поздравувам Карло Анчелоти. Загубивме два пати од нив и тоа е навистина разочарувачки, сепак одигравме и доста добри натпревари во текот на сезоната“, дополни шкотскиот стратег.
Манчестер Јунајтед има вкупно 18 титули во Англија од кои 11 од нив се освоени под раководната палка на Алекс Фергусон.
